www.science.az
06.03.2019 16:15

"Qafqazşünaslığın aktual problemləri: mövcud vəziyyət və perspektivlər” mövzusunda elmi seminar keçiriləcək

Martın 27-də saat 12:00-da Qafqazşünaslıq İnstitutunda “Elm günü”nə həsr olunan “Qafqazşünaslığın aktual problemləri: mövcud vəziyyət və perspektivlər” mövzusunda elmi seminar keçiriləcək.

Tədbirdə “Siyasi tədqiqatlarda mənbələr”, “Siyasi tədqiqatların metodları”, “Siyasi tədqiqatlara dair əsərlərin yazılma qaydası”, “Siyasi elm və faydalandığı elm sahələri” mövzularında məruzələr dinləniləcək. 

Seminarda institutda istehsalat təcrübəsi keçən Azərbaycan Dillər Universiteti, Azərbaycan Turizm və Menecment Universiteti və Azərbaycan Universiteti tələbələri iştirak edəcəklər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.