AMEA-nın Şəki Regional Elmi Mərkəzinin (ŞREM) Elmi Şurasının növbəti iclası keçirilib.
İclasda ŞREM-in direktoru, fizika-riyaziyyat üzrə fəlsəfə doktoru, dosent Yusif Şükürlü “AMEA Şəki Regional Elmi Mərkəzinin 2018-ci il üzrə elmi və elmi-təşkilati fəaliyyəti haqqında AMEA Rəyasət Heyətinin 25.01.2019-cu il tarixli, 4/3 saylı qərarı” barədə məruzə ilə çıxış edib.
Sonra müəssisənin elmi işlər üzrə direktor müavini, biologiya üzrə fəlsəfə doktoru Fərhad Əzizov “ŞREM-in Elmi Şurasının 2019-cu il üçün iş planı” layihəsini təqdim edib, həmçinin 27 Mart - Elm Günü ilə bağlı ölkə başçısının 9 aprel 2018-ci il tarixli Sərəncamından irəli gələn vəzifələrdən danışıb, iştirakçıların suallarını cavablandırıb.
Sonda müzakirə olunan məsələlərə dair müvafiq qərarlar qəbul edilib.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.