Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“Arxeologiya və Etnoqrafiya Muzeyi” (məlumat-bələdçi) adlı kitabça işıq üzü görüb
01.12.2017 15:45
  • A-
  • A
  • A+

“Arxeologiya və Etnoqrafiya Muzeyi” (məlumat-bələdçi) adlı kitabça işıq üzü görüb

AMEA Naxçıvan Bölməsinin nəzdində fəaliyyət göstərən Arxeologiya və Etnoqrafiya Muzeyinin məlumat-bələdçi kitabçası işıq üzü görüb.

Yeni nəşrin elmi məsləhətçiləri - bölmənin sədri, akademik İsmayıl Hacıyev və AMEA-nın müxbir üzvü Fəxrəddin Səfərli, elmi redaktoru və ön sözün müəllifi AMEA-nın müxbir üzvü Vəli Baxşəliyev, tərtibçisi isə bölmənin Tarix, Etnoqrafiya və Arxeologiya İnstitutunun Arxeoloji xidmət şöbəsinin müdiri, tarix üzrə fəlsəfə doktoru, dosent Zeynəb Quliyevadır.

Muzeyin ekspozisiyasına toplanılan eksponatlar Naxçıvan Muxtar Respublikası Ali Məclisi Sədrinin “Naxçıvan Muxtar Respublikası ərazisindəki tarix və mədəniyyət abidələrinin qоrunması və paspоrtlaşdırılması işinin təşkili haqqında” 6 dekabr 2005-ci ildə imzaladığı tarixi sərəncam əsasında 2006-2017-ci illərdə bölgənin müхtəlif ərazilərində aparılan tədqiqatlar və arxeoloji qazıntılar zamanı əldə olunan maddi-mədəniyyət nümunələridir. 

“Arxeologiya və Etnoqrafiya muzeyi” (məlumat-bələdçi) kitabçasının nəşr olunmasında əsas məqsəd bölməyə gələn yerli və xarici qonaqları Naxçıvanın аrxeoloji, tarixi, memarlıq, təbiət və mədəniyyət abidələri barəsində dolğun məlumatlandırmaqdır.

Kitabçanın ilk səhifəsində ümummilli lider Heydər Əliyevin, Azərbaycan Respublikasının Prezidenti İlham Əliyevin və Naxçıvan Muxtar Respublikası Ali Məclisinin Sədri Vasif Talıbovun xalqımızın qədim tarixini təbliğ edən muzeylərlə bağlı sitatları verilib. Nəşrdə, həmçinin Arxeologiya və Etnoqrafiya Muzeyinin yaradılması haqqında bölmənin Rəyasət Heyətinin 10 iyul 2008-ci il tarixli sərəncamı əksini tapıb.

Məlumat-bələdçi kitabçasının Arxeologiya adlı bölməsində Neolit, Eneolit, Tunc, Dəmir, Antik və Orta əsrlər dövrünə aid eksponatlar, Etnoqrafiya bölməsində geyim və məişət əşyaları, Muzeyin hədiyyələri başlıqlı bölmədə isə Naxçıvan Muxtar Respublikasının Ali Məclis Sədrinin muzeyə bağışladığı bu diyarın 90 illiyi münasibətilə təsis olunmuş medallar haqqında təfərrüatlı məlumatlar yer alıb. 

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: