www.science.az
17.10.2017 16:19

Folklorşünas alimin yeni kitabı “Elm və təhsil” nəşriyyatında çapdan çıxıb

Azərbaycan Aşıqlar Birliyinin sədri, Dövlət mükafatı laureatı, Əməkdar elm xadimi, AMEA-nın Ədəbiyyat İnstitutunun şöbə müdiri, professor Məhərrəm Qasımlının “Taleyimdən və ürəyimdən keçənlər” adlı kitabı “Elm və təhsil” nəşriyyatında çapdan çıxıb.

Kitaba alimin Orxan Paşa imzasıyla yazdığı bədii-publisistik əsərləri, fəlsəfi düşüncələri toplanıb. Yeni nəşrdə, həmçinin istedadlı qələm sahibi və görkəmli folklorşünas alimin fərdi poetik duyğuları, ədəbi-estetik dəyərləndirmələri, sətiraltı eyhamlar və s. yer alıb.

Kitabın tərtibatçısı Leyla Aslanova, redaktoru Yeganə Məmmədovadır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.