Azərbaycan Milli Elmlər Akademiyası

İranlı tədqiqatçı, şair Əkbər Həmidi Əlyar, şair Nadir Fazil və Nəsimi adına Dilçilik İnstitutunun direktoru, akademik Möhsün Nağısoylu AMEA Hüseyn Cavidin Ev Muzeyinin qonağı olublar.

Qonaqlarla görüşdə dahi dramaturq, filosof-şair Hüseyn Cavidin zəngin yaradıcılığı haqqında geniş fikir mübadiləsi aparılıb, ədibin “Şeyx Sənan”, “İblis”, “Peyğəmbər” əsərlərindəki ümumbəşəri ideyalardan danışılıb.

Daha sonra Ə.H.Əlyar muzeylə əməkdaşlığından söhbət açıb. Bildirib ki, Hüseyn Cavidin “Peyğəmbər” və “Şeyx Sənan” əsərləri artıq farscaya tərcümə edilib və onun irsi Cənubi Azərbaycanda geniş şəkildə təbliğ olunur. O, yaxın zamanlarda “Maral” əsərinin də fars dilinə tərcümə ediləcəyini diqqətə çatdırıb.  

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.