www.science.az
26.07.2017 17:22

Məktəblilər üçün yalnız gündüz saatlarında işləyən telefon istehsal edilib

Yaponiyada “Tona Mobilya” firması yalnız gündüzlər işləyən “ağıllı” telefon istehsal edib.

"Tona m17" adı verilən və ibtidai siniflərdə təhsil alan uşaqların ekranabaxma müddətini məhdudlaşdırmaq məqsədilə yalnız gündüz saatlarında işləyən telefon valideynlərin uşaqları ilə gün ərzində ünsiyyət qurmalarını təmin edəcək, həmçinin həddindən artıq istifadə ilə bağlı yan təsirləri aradan qaldıracaq.

Telefon avtomatik olaraq bağlanma və mesajlaşmanın məhdudlaşdırılması kimi xüsusiyyətlərə də malikdir.