Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Fəlsəfə İnstitutunun alimləri İtaliyada beynəlxalq konfransda çıxış ediblər
18.05.2017 13:13
  • A-
  • A
  • A+

Fəlsəfə İnstitutunun alimləri İtaliyada beynəlxalq konfransda çıxış ediblər

İtaliyanın Genuya şəhərində Azərbaycan-İtaliya diplomatik münasibətlərinin qurulmasının 25 illiyi münasibəti ilə beynəlxalq konfrans keçirilib.

Tədbirdə Genuya Universitetinin dəvəti ilə AMEA-nın Fəlsəfə İnstitutunun direktoru, professor İlham Məmmədzadə, həmin institutun Beynəlxalq əlaqələr şöbəsinin müdiri Zöhrə Əliyeva və Dinşünaslıq və mədəni6yyətşünaslığın fəlsəfəsi şöbəsinin aparıcı elmi işçisi, fəlsəfə üzrə fəlsəfə doktoru Elsever Səmədov iştirak ediblər.

Beynəlxalq konfrasnda “Müasir dövrdə Azərbaycan və İtaliya fəlsəfəsinin qarşılıqlı təsiri” mövzusunda məruzə ilə çıxış edən İ.Məmmədzadə ölkələrimiz arasında qurulan əlaqələrə fəlsəfənin təsirindən danışıb. İ.Məmmədzadə İtaliya-Azərbaycan əməkdaşlığının möhkəm zəmin üzərində qurulduğunu və strateji tərəfdaşlıq səviyyəsinə yüksəldiyini deyib. O, həmçinin Heydər Əliyev Fondunun İtaliyada gördüyü uğurlu işlər və ötən il Roma Papası Fransiskin Azərbaycana səfərinin əhəmiyyəti barədə ətraflı məlumat verib.

Tədbir konfrans iştirakçılarının müvafiq mövzu ilə bağlı qarşılıqlı müzakirələri ilə davam etdirilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

 

  • Paylaş: