Azərbaycan Milli Elmlər Akademiyası

Bakı Slavyan Universiteti (BSU) tərəfindən şərqin görkəmli söz ustadı Hafiz Şirazinin qəzəlləri Azərbaycan dilində çap olunub.

Kitabın elmi redaktoru f.ü.e.d., professor Rafiq Novruzov, rəyçisi BSU-nun rektoru, professor Nurlana Əliyeva, çapa hazırlayan isə AMEA-nın Məhəmməd Füzuli adına Əlyazmalar İnstitutunun böyük elmi işçisi, filologiya üzrə fəlsəfə doktoru İbrahim Quliyevdir.

Türkçülüyə xüsusi məhəbbəti ilə seçilən ölməz sənətkarın qəzəlləri ilk dəfə küll halında Azərbaycan oxucusuna təqdim olunur. Həmçinin hər bir qəzəlin sonunda farsca-ərəbcə sözlərin lüğəti verilib və geniş şərh yazılıb.

Kitab Azərbaycan Respublikası Prezidenti İlham Əliyevin 10 yanvar 2017-ci il tarixli Sərancamı ilə elan olunmuş "İslam Həmrəyliyi İli"nə töhfə olaraq nəşr edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.