www.science.az
29.12.2016 14:43

“İqtisadiyyat sahəsində gənc tədqiqatçıların elmi informasiya təminatı” kitabı çap edilib

AMEA Hüseyn Cavidin Ev Muzeyinin elmi katibi Natiq Mürsəlovun müəllifi olduğu “İqtisadiyyat sahəsində gənc tədqiqatçıların elmi informasiya təminatı” kitabı nəşr olunub. Kitab Azərbaycan Respublikası Prezidenti yanında Gənclər Fondunun 8-ci qrant müsabiqəsinə əsasən çap edilib. Nəşr “Gənc iqtisadçılar arasında araşdırma müsabiqəsi” layihəsinin əsasında hazırlanıb.

Kitabda informasiya cəmiyyətinin inkişaf etdiyi hazırkı mərhələdə gənc tədqiqatçıların elmi-mədəni, təhsil və digər sahələrdə fəal iştirakının əhəmiyyətindən danışılır. Kitabın çap edilməsində məqsəd gənc iqtisadçıların təhsil və elmi fəaliyyətlərinin stimullaşdırılması, onlarda elmi tədqiqata həvəsin artırılmasıdır.

Nəşrin elmi məsləhətçisi AMEA-nın Məhəmməd Füzuli adına Əlyazmalar İnstitutunun elmi işlər üzrə direktor müavini, filologiya üzrə elmlər doktoru Aybəniz Əliyeva-Kəngərlidir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.