AMEA Respublika Elmi Tədqiqatların Əlaqələndirilməsi Şurasının Torpaq və su ehtiyatlarının idarəedilməsi və ətraf mühitin mühafizəsi problemləri üzrə elmi şurasının növbəti iclası keçirilib.
AMEA-nın müxbir üzvü Amin İsmayılovun sədrliyi ilə keçirilən iclasda elmlər doktorluğu və fəlsəfə doktorluğu hazırlığı proqramı üzrə Şuraya daxil olan dissertasiya mövzuları müzakirə edilib.
İclasda bəzilərinin adında dəyişiklik edilməklə dissertasiya mövzuları təsdiq edilib. Bəzi mövzular isə təsdiq olunmayıb və müraciət edənlərə tədqiqatını düzgün formalaşdırmaq üçün müvafiq tövsiyələr verilib.
Müzakirələrdə elmi şuranın üzvləri ilə yanaşı, dəvət olunmuş torpaqşünas alimlər də iştirak ediblər.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.