Azərbaycan Milli Elmlər Akademiyası

AMEA-nın Məhəmməd Füzuli adına Əlyazmalar İnstitutunun əməkdaşı, filologiya üzrə fəlsəfə doktoru Nəzakət Məmmədlinin “Füzulinin “Leyli və Məcnun” əsəri – poetikası, fəlsəfəsi, əlyazmalarının mətnşünaslıq xüsusiyyətləri” monoqrafiyası “Elm və təhsil” nəşriyyatında çapdan çıxıb.

Kitabda Füzulinin “Leyli və Məcnun” əsərinin bədii xüsusiyyətləri klassik Şərq poetikası əsasında tədqiq edilir. Təsəvvüf fəlsəfəsinin əsərin başlıca ideya istiqaməti olduğu elmi əsaslarla sübut edilir, əsərdəki irfani rəmz və məcazların mənaları orta əsr təsəvvüfi lüğətləri əsasında açıqlanır. Əsərin Əlyazmalar İnstitutunda saxlanılan ən qədim nüsxələri müqayisəli tədqiq edilərək indiyədək çap nüsxələrində olan bir sıra qüsurlar müəyyənləşdirilıir. Əlyazmalar İnstitutunda saxlanılan iyirmidən artıq “Leyli və Məcnun” əlyazması mətnşünaslıq baxımından araşdırılır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.