www.science.az
26.07.2016 09:28

RSXM ilə “Kinemetriks” şirkəti arasında əməkdaşlığa dair müzakirələr aparılıb

AMEA Rəyasət Heyəti nəzdində Respublika Seysmoloji Xidmət Mərkəzinin (RSXM) baş direktoru, AMEA-nın müxbir üzvü Qurban Yetirmişli ölkəmizdə səfərdə olan, ABŞ-ın “Kinemetriks” şirkətinin prezidenti Ogie Kuraica ilə görüşüb.

Görüşdə RSXM ilə “Kinemetrks” şirkəti arasında əməkdaşlığın genişləndirilməsinə dair fikir mübadiləsi aparılıb.

Səfərin məqsədi mərkəzdə fəaliyyət göstərən mütəxəssislər üçün seysmoloji materialların müasir üsullarla emalına dair müasir proqramların tətbiqi ilə bağlı təlim keçmək, eləcə də yerli mütəxəssislərlə birgə RSXM-nin Naxçıvan Məlumat Mərkəzinin yaradılmasında iştirak etməkdir.

Qeyd edək ki, Naxçıvanda yaradılacaq Məlumat Mərkəzində muxtar respublikada qeydə alınan zəlzələlərə dair məlumatların emalı və aparılan seysmoloji tədqiqat işlərinin genişləndirilməsi nəzərdə tutulur.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.