AMEA-nın Şəki Regional Elmi Mərkəzinin direktoru, fizika-riyaziyyat üzrə fəlsəfə doktoru, dosent Yusif Şükürlü BACSA-nın (Qara, Xəzər dənizləri və Orta Asiya üzrə İpək Assosiyasiyası) İcraiyyə komitəsinin üzvü seçilib.
Qeyd edək ki, Qara, Xəzər dənizləri və Orta Asiya üzrə İpək Assosiyasiyası (BACSA - The Black, Caspian Seas and Central Asia Silk Association) region ölkələrdə ipəkçiliyin təbliği məqsədilə təşkil edilib. Yusif Şükürlü həmin qurumun Azərbaycan üzrə Milli əlaqələndiricisidir.
Təşkilatın növbəti beynəlxalq konfransının 2017-ci ilin aprel ayında Azərbaycanın qədim diyarlarından biri olan Şəki şəhərində keçirilməsi nəzərdə tutulur.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.