www.science.az
26.05.2015 15:43

AMEA Aqrar Elmlər Bölməsinin növbəti iclasında bir sıra məsələlər müzakirə edilib

AMEA Rəyasət Heyətində Aqrar Elmlər Bölməsinin (AEB) növbəti iclası keçirilib.

Bölmənin büro üzvlərinin iştirak etdiyi tədbiri giriş sözü ilə açan AEB-in akademik-katibi, akademik Qərib Məmmədov gündəlikdəki məsələlər barədə məlumat verib.

İclasda AMEA-nın Eroziya və Suvarma İnstitutunun direktorunun tutduğu vəzifədən azad edilməsi ilə əlaqədar təhvil-təslim komissiyasının yaradılması məsələsi müzakirə edilib. AMEA-nın müxbir üzvləri Mahmud Abdullayev, Pənah Muradov, aqrar elmlər üzrə fəlsəfə doktoru Seymur Səfərli, AMEA-nın İşlər İdarəsinin müdirinin müavini Sərdar Əliyev, aqrar elmlər üzrə fəlsəfə doktorları Zakir Əliyev, Mirvari Məmmədova, İzzət Talıbov, institutun baş mühasibi Roza Nağıyeva, AMEA Maliyyə-iqtisad və mühasibat uçotu şöbəsinin əməkdaşı Fəridə Akmanova sözügedən komissiyanın üzvləri seçiliblər.

Tədbirdə, həmçinin Torpaqşünaslıq və Aqrokimya İnstitutunun strukturunun təsdiq olunması, AMEA-nın 70 illik yubiley tədbirlərinə hazırlıq, bölmənin tərkibinə daxil olan institutların mövzu planlarının təsdiqi və s. məsələlərə də baxılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir