Rumıniyanın Sinaya şəhərində Buxarest Biomühəndislik, Biotexnologiya və Ətraf Mühit Elmi-Tədqiqat İnstitutu və Bolqarıstanın Xəzər dənizi Mərkəzi Asiya İpək Cəmiyyətinin birgə təşkilatçılığı ilə “Üzvi kənd təsərrüfatı: mövcud vəziyyət və perspektivlər” mövzusunda Beynəlxalq konfrans keçirilib.
Tədbirdə ipəkçiliklə məşğul olan dünyanın aparıcı ölkələrindən Çin, Yaponiya, Türkiyə, Rusiya , Özbəkistan və s. dəvət almış alim və mütəxəssislər iştirak ediblər.
Konfransa ölkəmizi təmsil edən AMEA Şəki Regional Elmi Mərkəzinin direktoru, fizika-riyaziyyat üzrə fəlsəfə doktoru Yusif Şükürlü “Cütləşmə dövründə sabit maqnit sahəsində baramanın cinsiyyətinin tənzimlənməsi” mövzusunda məruzə ilə çıxış edib.
Azərbaycanlı alimin məruzəsi tədbir iştirakçıları tərəfindən maraqla qarşılanıb.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.