Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

Dendrologiya İnstitutunun qadın əməkdaşları təltif olunublar
07.03.2021 20:00
  • A-
  • A
  • A+

Dendrologiya İnstitutunun qadın əməkdaşları təltif olunublar

AMEA-nın Dendrologiya İnstitutunda 8 Mart – Beynəlxalq Qadınlar Gününə həsr olunan tədbir keçirilib. 

Tədbiri institutun direktoru, AMEA-nın müxbir üzvü Tofiq Məmmədov açaraq rəhbərlik etdiyi müəssisənin qadın əməkdaşlarını, eləcə də onların timsalında bütün Azərbaycan xanımlarını əlamətdar gün münasibətilə təbrik edib, onlara cansağlığı və elmi fəaliyyətlərində uğurlar arzulayıb.

Sonra çıxış edən müəssisənin Həmkarlar Təşkilatının sədri Tünzalə Zeyvəliyeva Azərbaycan qadınlarının tarixi xidmətlərindən, onların cəmiyyətdəki rolundan və nüfuzundan bəhs edib. Bildirib ki, Azərbaycanın dövlət müstəqilliyinin bərpasından sonra qadınlar ölkənin ictimai-siyasi və sosial-iqtisadi həyatının fəal iştirakçısına çevrilib, təhsil, səhiyyə, elm və mədəniyyət sahələrində çoxsaylı nailiyyətlər qazanıblar.

Sonda institutun elmi və ictimai həyatında fəal iştirak edən bir qrup qadına Fəxri fərmanlar təqdim olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: