www.science.az
04.12.2014 00:00

AMEA Rəyasət Heyəti Mərkəzi Aparatının II Xüsusi şöbəsində növbəti seminar-məşğələ keçirildi

AMEA Rəyasət Heyəti Mərkəzi aparatının II xüsusi şöbəsində AMEA-nın elmi müəssisə və təşkilatlarının Mülki müdafiə qərargah rəislərinin iştirakı ilə növbəti seminar-məşğələ keçirildi.

Seminar-məşğələni giriş sözü ilə II xüsusi şöbəsinin rəisi Eldar Quliyev açaraq gündəlikdə olan məsələlər barədə məlumat verdi.

Fövqəladə hadisələr zamanı əməkdaşların mühafizəsi, rəhbər və komandir-rəis heyətlərinin, mülki müdafiə qüvvələrinin hazırlanması məqsədilə 2014-cü ilin noyabr ayında AMEA-nın 14 elmi müəssisə və təşkilatlarında Mülki müdafiə tədbirlər planına əsasən rəhbər heyətin MM məşqlərinin keçirildiyini nəzərə çatdırdı.

Məşq zamanı rəhbər və komandir-rəis heyətlərinin hərbiləşdirilməmiş dəstələrinin MM hazırlığı bir daha nəzərdən keçirilərək mövcud nöqsanların aradan qaldırılması üçün tədbirlər görüldüyü vurğulandı.

Daha sonra AMEA-nın elmi müəssisə və təşkilatlarında Mülki müdafiə işlərinin Azərbaycan Respublikası Nazirlər Kabinetinin 1998-ci il 25 sentyabr tarixli qərarına uyğun olaraq işlənib hazırlanması, ehtimal olunan fövqəladə hadisələrin təsirindən qorunması məqsədilə profilaktik tədbirlərin həyata keçirilməsi, MM sahəsində maarifləndirmə işlərinin gücləndirilməsi tövsiyə olundu.

© Bütün hüquqlar qorunur. Xəbərlərdən istifadə edərkən www.science.az saytına istinad zəruridir.