Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Ödənişsiz hüquqi yardım layihəsi fəaliyyətini onlayn davam etdirir
10.05.2020 11:52
  • A-
  • A
  • A+

Ödənişsiz hüquqi yardım layihəsi fəaliyyətini onlayn davam etdirir

Karantin günlərində AMEA-nın Hüquq və İnsan Haqları İnstitutunun Beynəlxalq hüquq şöbəsi tərəfindən Dünya Bankı ilə birgə həyata keçirilən pulsuz hüquqi yardım layihəsi fəaliyyətini onlayn davam etdirir.

Aprel ayı ərzində 1206 nəfər benifisiar hüquqi yardım almaq üçün layihəyə müraciət edib. Onlardan 1205 nəfərə “Facebook”, 1 nəfərə isə elektron poçt vasitəsilə hüquqi yardım xidməti göstərilib. Vətəndaşlar onlayn məsləhətlərdən pulsuz hüquqi yardım xidmətinin “Facebook” səhifəsinə və legalaid@human.science.az elektron ünvanına müraciət edərək yararlanıblar. Daha çox təqaüd, sosial yardım, ümumilikdə isə əmək, ailə, miqrasiya, əmlak, inzibati, istehlakçı, cinayət, vərəsəlik, borc, nəqliyyat məsələləri ilə bağlı müraciətlər ünvanlanıb. Müraciət edənlərin əksəriyyəti isə aztəminatlılar kateqoriyasına aiddir.

Xatırladaq ki, Hüquq və İnsan Haqları İnstitutunun Beynəlxalq hüquq şöbəsi tərəfindən Dünya Bankı ilə birgə həyata keçirilən hüquqi yardım xidmətləri göstərilməsi layihəsinə 2018-ci ilin martından başlanılıb. Layihənin məqsədi hüquqi yardıma ehtiyacı olan həssas qrup vətəndaşlara, xüsusilə qadınlar, yetkinlik yaşına çatmayanlar, qaçqın və məcburi köçkünlər, milli azlıqlar, aztəminatlı ailələr üçün ödənişsiz hüquqi yardım xidmətlərinin göstərilməsi, habelə əhalinin maarifləndirilməsi üçün hüququn müxtəlif sahələri üzrə məlumat xarakterli broşürlərin hazırlanmasından ibarətdir. Vətəndaşlara ailə, inzibati, əmək, əmlak, borc, miras, təqaüd, sosial yardım, istehlakçı hüquqları, cinayət və s. sahələrdə yaranan problemlərə dair məsləhətlər verilir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: