www.science.az
22.10.2014 00:00

Almaniya alimləri və Azərbaycan elmi diasporunun nümayəndələri ilə əməkdaşlıq imkanları müzakirə ediləcək

AMEA və Almaniya elmi ictimaiyyəti arasında əməkdaşlıq imkanları müzakirə ediləcək. Bu məqsədlə AMEA prezidenti, akademik Akif Əlizadənin rəhbərlik etdiyi nümayəndə heyəti oktyabrın 28-dən noyabrın 2-nə qədər Berlində Azərbaycan elmi diasporunun nümayəndələri ilə görüşəcək.

Ölkəmizin Berlində yerləşən səfirliyinin dəstəyi ilə təşkil edilən səfər çərçivəsində “Azərbaycan - Almaniya: İkitərəfli münasibətlərdə elmin yeri və rolu” mövzusunda dəyirmi masa, həmçinin Berlin Elmlər Akademiyası və Humbolt Universitetinin “Azərbaycan tarixi” fakültəsində bir sıra görüşlər keçiriləcək.

Səfərdə AMEA-nın vitse-prezidenti, akademik İbrahim Quliyev, Elm Tarixi İnstitutunun direktoru, tarix üzrə elmlər doktoru Məryəm Seyidbəyli və Rəyasət Heyətinin Beynəlxalq Əlaqələr İdarəsinin rəis müavini Zərifə Əliyeva da iştirak edəcək.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.