Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MARAQLI MƏLUMAT

Başqa planetlərdə yaşamaq üçün insanlar özləri dəyişməlidirlər
16.04.2020 12:45
  • A-
  • A
  • A+

Başqa planetlərdə yaşamaq üçün insanlar özləri dəyişməlidirlər

Rusiya Elmlər Akademiyasının Kosmik Tədqiqatlar İnstitutunun Nüvə planetologiyası şöbəsinin Neytron və qamma-spektroskopiya laboratoriyasının rəhbəri Maksim Litvak müsahibəsində qeyd edib ki, başqa planetlərdə yaşaya bilmək üçün insanlar təkamül edib özləri dəyişməlidirlər: “İnsanlar digər planetləri terraformalaşdırmalı (planetdə həyat şəraitini Yer planetinə oxşar etmək) deyil, özlərini onların şəraitinə uyğunlaşdırmalıdırlar. İnsan inkişaf edərək öz orqanizmini xarici amillərin əhəmiyyət kəsb etməyəcəyi dərəcədə idarə etməyi öyrənə, bədəninə ehtiyac duyulmadığı hər hansı bir yeni fazaya keçə bilər”.

Alim bildirib ki, həyat tamamilə ekstremal şəraitdə də davam edə bilər. İnsanlar olduqca geniş imkanlara malikdir, lakin onlar bu imkanların yalnız 10-15%-ni istifadə edirlər: “Məsələn, insanlar böyük kosmik radiasiya fonuna uyğunlaşmaq üçün cəld regenerasiya etməyi öyrənə bilərlər. Bu fikirlər fantastik görünsə də, hazırda biotexnologiyalar kifayət qədər sürətlə inkişaf edir”.

ria.ru

  • Paylaş: