AMEA-nın Geologiya və Geofizika İnstitutunda keçirilən ümumrespublika elmi seminarında Türkiyənin Yıldız Texniki Universitetinin professoru, AMEA-nın müxbir üzvü Surxay Əkbərov Yer kürəsinin məcburi rəqslərinin riyazi modelini qurmaqla bu rəqs tezliklərinin nəzəri təyin edilməsinə həsr olunan məruzə ilə çıxış edib.
Seminarda AMEA-nın birinci vitse-prezidenti, akademik İbrahim Quliyev, respublikanın bir sıra universitetlərinin professor-müəllim heyəti, AMEA-nın elmi-tədqiqat institutlarının nümayəndələri iştirak edib.
İnstitutun direktoru, akademik Akif Əlizadənin sədrliyi ilə təşkil olunan tədbir AMEA-nın “Geomexanikanın fənlərarası problemlərinin tədqiqi ilə bağlı nəzəri və təcrübi tədqiqatlar kompleksi” layihəsi çərçivəsində əldə edilən elmi nəticələrə həsr olunub.
Məruzə seminar iştirakçıları tərəfindən maraqla qarşılanıb, çoxsaylı suallar cavablandırılıb.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.