Azərbaycan Milli Elmlər Akademiyası

ABŞ-ın Corc Vaşinqton Universitetinin tədqiqatçıları saxlama şəraitinə riayət etməklə il ərzində xarab olmayan yeni alma sortu yetişdiriblər. Meyvələr artıq ABŞ-da satışa çıxarılıb.

hightech.fm saytının məlumatına görə, “Enterprise” və “Honeycrisp” növlərinin birləşdirilməsi nəticəsində yaranan yeni sort almalar “Cosmic Crunch” (“Kosmik xırtıltı”) adlandırılıb.

Sıx toxuma strukturuna, yüksək miqdarda turşuluq və şəkərə malik olan bu alma növü +10 dərəcə temperaturda 12 aya qədər, soyuducuda altı aya qədər, otaq temperaturunda isə bir neçə həftə saxlanıla bilər.

Tədqiqatçılar qeyd edirlər ki, adi alma sortlardan fərqli olaraq yeni sort tünd ləkələrin yaranması, donma, yerə düşmə zamanı əzilmə, həmçinin karbon qazının yüksək konsentrasiyası və oksigenin aşağı olması kimi prosseslərə qarşı zəif həssaslığa malikdir.

Qeyd edək ki, alimlər yeni alma sortunun yetişdirilməsi ilə 1997-ci ildən məşğuldurlar.