Gürcüstanın Borjomi şəhərində “Qafqazda və Orta Asiyada seysmik şəbəkənin genişləndirilməsi – I mərhələ” mövzusunda beynəlxalq konfrans keçirilib.
Tədbir ABŞ-ın Enerji Departamentinin Milli Nüvə Təhlükəsizliyi İdarəsi (NNSA) və Ukrayna Elm-Texnologiya Mərkəzinin dəstəyi, Gürcüstanın İlya Dövlət Universitetinin Yer Elmləri İnstitutu və Milli Seysmik Monitorinq Mərkəzinin (NSCM) təşkilatçılığı ilə baş tutub.
Konfransda ölkəmizi AMEA-nın vitse-prezidenti, Neft və Qaz İnstitutunun direktoru, akademik İbrahim Quliyev, Respublika Seysmoloji Xidmət Mərkəzinin baş direktoru, AMEA-nın müxbir üzvü Qurban Yetirmişli və mərkəzin Zəlzələlərin tədqiqatı bürosunun rəis müavini Ruqiyyə Kərimova təmsil ediblər.
Azərbaycan alimləri ölkəmizdəki seysmik monitorinq şəbəkəsinin fəaliyyəti və alınmış nəticələrə dair məruzələrini təqdim ediblər.
Konfrans oktyabrın 18-da başa çatacaq.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.