AMEA-nın müxbir üzvü Hafiz Əlimərdanovun 70-illiyinə həsr olunmuş biobiblioqrafik göstəricisi çapdan çıxıb.
H.Əlimərdanovun həyatı, elmi-pedaqoji və ictimai fəaliyyətini əks etdirən bu biblioqrafik göstərici 1973-cü ildən 2018-ci ilə qədər olan dövrü əhatə edir.
Göstəriciyə alimin elmi əsərlərinin – monoqrafiyaları, dərslik və dərs vəsaitləri, dövrü nəşrlərdə Azərbaycan, rus və ingilis dilində dərc olunmuş elmi və publisistik məqalələri, respublika və beynəlxalq əhəmiyyətli konfranslarda məruzə və çıxışları, elmi-tədqiqat işləri, abituriyentlər üçün hazırlıq testləri, kimyadan olimpiada məsələləri və s. biblioqrafiyası daxil edilmişdir.
Biblioqrafiyada, həmçinin Azərbaycan, rus, ingilis dillərində alimin həyatı, elmi, pedaqoji, ictimai fəaliyyəti haqqıda qısa oçerk, rəhbərlik etdiyi və ya məsləhətçisi olduğu dissertasiyalar, tərtibçisi və redaktoru olduğu mənbələrlə bağlı bölmələr verilmişdir.
Bioblioqrafik göstəricidə verilmiş materiallar xronoloji qaydada, əlifba sırası ilə yerləşdirilmişdir.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.