Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

Nəsiminin dilinin dialektoloji tədqiqinə həsr olunmuş monoqrafiya çapdan çıxıb
17.07.2019 13:50
  • A-
  • A
  • A+

Nəsiminin dilinin dialektoloji tədqiqinə həsr olunmuş monoqrafiya çapdan çıxıb

AMEA-nın Nəsimi adına Dilçilik İnstitutunun Azərbaycan dilinin dialektologiyası şöbəsinin aparıcı elmi işçisi, dosent Qüdsiyyə Qəmbərovanın “İmadəddin Nəsiminin anadilli poetik əsərlərinin diaxronik-dialektoloji tədqiqi” monoqrafiyası nəşr olunub.

Nəsiminin dilinin diaxronik-dialektoloji tədqiqinə həsr olunmuş monoqrafiya “Nəsiminin dili və Azərbaycan şivələri” və “Nəsimi irsinin tədqiqi məsələləri” fəsillərindən ibarədir. Birinci fəsildə Nəsiminin əsərlərindən seçilmiş fonetik, morfoloji, leksik dialektizmlər tarixi-müqayisəli aspektdə tədqiq olunub. İkinci fəsildə isə müəllifin Nəsimi irsinin frazeologiyası, nitq mədəniyyəti ilə bağlı yazdığı, müxtəlif elmi toplularda və konfrans materiallarında dərc etdirdiyi məqalələri yer alıb.

Monoqrafıyada bildirilir ki, şairin dili XIV əsr Azərbaycan ədəbi dilinin əsasını qoyur. Bununla bərabər, həmin dövrdə ədəbi dilin koynesinin Azərbaycan dilinin Şərq qrupu dialekt və şivələrinə, eləcə də canlı xalq dilinə əsaslanır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: