www.science.az
24.04.2019 10:59

SOCAR rəsmiləri Yüksək Texnologiyalar Parkının istehsal sahələri ilə tanış olublar

SOCAR-ın Qaz İxrac İdarəsinin Baş direktor müavini Sərxan Babaşovun rəhbərlik etdiyi nümayəndə heyəti AMEA-nın Yüksək Texnologiyalar Parkında (YT Park) olub.

YT Parkın Strateji Elmi Analitik Sınaq Mərkəzində (SEASM) qonaqlara laboratoriya avadanlıqları, mərkəzin imkanları və göstərilən xidmətlər barədə məlumat verilib. SEASM-ın maddi-texniki bazası, eləcə də beynəlxalq akkreditasiyadan keçməsi qonaqlar tərəfindən yüksək qiymətləndirilib.

Nümayəndə heyəti, həmçinin YT Parkın rezidentləri - “Millers Oils Azerbaijan” MMC-nin və “AMEA Təcrübə-Sənaye Zavodu”nun istehsal sahələri ilə tanış olublar.

Sonda iki qurum arasında ortaq istiqamətlərdə əməkdaşlığın təşkilinə dair fikir mübadiləsi aparılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.