Azərbaycan Milli Elmlər Akademiyası

AMEA Zoologiya İnstitutunun nəzdində fəaliyyət göstərən Zooloji Muzeydə Bakı şəhəri 38 nömrəli tam orta məktəbin şagirdləri üçün “açıq qapı” günü təşkil olunub.

Şagirdlər muzeyin fonduna daxil olan və onurğalı heyvanların müxtəlif siniflərinə (balıqlar, suda-quruda yaşayanlar, sürünənlər, quşlar və məməlilər) aid növlərin müasir populyasiya vəziyyəti, təbiətdə sayı, yayılması, onların ekoloji xüsusiyyətləri haqqında məlumatlandırılıb.

“Açıq qapı” günü çərçivəsində məktəblilərə Azərbaycan Respublikasının “Qırmızı Kitabı”na daxil edilən nadir və nəsli kəsilməkdə olan növlərin qorunması istiqamətində görülən işlər barədə də məlumat verilib.

Sonda şagirdlərə Azərbaycan faunasına həsr olunmuş kitabçalar paylanılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.